Leo con asombro varias crónicas do xenial Wenceslao Fernández Flórez nas que explica que hai moitos rumores de que Portugal pode entrar a loitar na Guerra Mundial. Estamos en 1915 e os lusos combaterían do lado de Inglaterra: “en premio á súa intervención pola guerra”, sinala o escritor e xornalista, “Portugal habería de quedar con Galicia” (El Noroeste, 09/10/1915).

Son rumores que veñen de antigo, porque un ano antes, noutra crónica Wenceslao sinalaba que no xornal “O Mundo”, de Lisboa, un señor “canta un himno á marcha deses centos de pés de cabalos que Lusitania envía á guerra, e asegura que o premio que Inglaterra vai conceder a Portugal pola súa adhesión é a anexión de Galicia.

- Galicia, di o articulista, é máis portuguesa que española” (El Noroeste, 08/10/1914).

Wenceslao, co seu humor característico, imaxina a situación: “Nas pizarras, noticias emocionantes: ‘Os portugueses chegaron a Carral’. ‘A heroica defensa de Ordes‘ (…) Un día aparece a bandeira verde e vermella nos altos de Elviña. Comezou o bombardeo. A capela de San Andrés é un montón de ruínas. (…) A capitulación ocorre cando o ‘Adamastro’ atraca no peirao de ferro, enfilando as súas ametralladoras ao goberno civil. Carré Aldao e Lugrís Freire, en calidade de hombres que dominan a lingua da que naceu o portugués, parlamentan cos invasores. (… ) Á fin, onde a enseña portuguesa sobre o castelo de San Antón“.

Imaxinades Galicia sendo portuguesa? Curioso verdade? Máis dun reintegracionista de seguro que estaría encantado de que isto fose verdade.

Polo visto agora as localidades galegas anda mudando de sitio. Eu pensando toda a vida que Fisterra estaba na Costa da Morte, e resulta que non, que está na ría de Arousa. En concreto está nun sitio onde eu coidaba que se atopaba Ribeira. Pero non. Mirando na web da revista Consumer, nunha páxina que teñen sobre o Camiño de Santiago, descubrín que cando un xa ve ao Apóstolo despois ten que tirar algo máis para o sur. O que me pregunto eu se agora Ribeira estará en Lugo.

Se os británicos seguisen as indicacións da súa famosa Enciclopedia virían a Galicia a ver os touros. A primeira imaxe que esta publicción ofrece de Galicia na súa edición dixital é nada menos que a do Juli na praza de touros de Pontevedra. Vímolo esta mañá no Xornal, nunha reportaxe que non deixa en bo lugar ás fontes documentais da Enciclopedia británica.

Pero non só nos gustan os touros, senón que temos unha economía “subdesenvolvida”, baseada na agricultura, pesca e gandería, como estudiabamos de pequenos nos libros de historia desfasados.

Ao seu favor hai que dicir que polo menos emprega a toponimia en galego, algo que a nosa Wikipedia debería tomar de exemplo. Con todo, a enciclopedia libre española déixanos en mellor lugar, indicando que aínda que “tradicionalmente, a maior parte da economía dependeu da agricultura e a pesca, na actualidade hai máis traballadores no sector terciario“. Fálase de Citroën, Inditex e bancos e caixas de aforros.

Acabo de escachar coa risa lendo un post de Tono7. Xa sabía doutras fontes que o novo tradutor de Google non ía demasiado ben e que mesmo confunde galego co portugués. Pero só con probalo se ve o mal que funciona este tradutor automático. Así que se poñedes a traducir a canción “A saia da Carolina”, aparece isto:

La salida de Carolina
Ha pintado un lagarto
Cuando el baile de Carolina
Lizard The Dallas RABO

BAILACHES Carolina
Sí Jehová PELOTAS
Dime que BAILACHES
PELOTAS CO My Love
PELOTAS CO My Love
PELOTAS CO My Love

BAILACHES Carolina
DANZAS Sí Jehová.

Carolina es un Tola
El retroceso hace que todos los
VESTESE la cabeza
Y POR VESTESE pies

BAILACHES Carolina
Baila con la cuarta parte;
Dime que BAILACHES
PELOTAS CO CORONEL

PELOTAS CO CORONEL
PELOTAS CO CORONEL
BAILACHES Carolina
DANZAS CON trimestre

La cura Senhor Danza U. S.
¿Por qué es una Corona
Danza Danza Senhor cura
Todo lo que Dios Perdona LLO

BAILACHES Carolina
DANZAS seguro
Dime que BAILACHES
PELOTAS CO Carlos I
PELOTAS CO Carlos I
PELOTAS CO Carlos I

BAILACHES Carolina
DANZAS seguro

EN EL Curr Carolina
No ingrese vehículo cerrado
Entre NAMÁIS Carolina
Con su coche ASSIM RABO.

BAILACHES Carolina
Sí Jehová PELOTAS
Dime que BAILACHES
PELOTAS CO My Love
Con tu amor de Carolina
Volver al NO VAIL
POKER que levantar la falda
Y el centro de la ciudad es muy pesimista

E simplemente copiei e peguei no tradutor a letra que atopei nunha web. Conclusións:

Total, que vos recomendo os tradutores da Xunta de Galicia, o da Universidade de Vigo, o Traducíndote ou o do Instituto Cervantes antes que o de Google, que para buscas é bo, pero para outras cousas…

“¿Por que lle poñen ás vacas nome de muller?”

Ante esta gran reflexión e pregunta, ao dono dunha expotación gandeira de Rois non lle quedou outra que dicir: Porque son vacas. Como lles íamos poñer, Xulián?“. Grande, moi grande.

Se algunha ves estivéchedes na Coruña, de seguro que entráchedes pola Avenida de Alfonso Molina. Pois ben, alí hai un barco decorativo para darlle a benvida a todos os que entran na cidade. O caso é que hoxe un coche que debía ir fungado de máis se empotrou alí directamente. Menos mal que alí non vivía Chanquete, porque senón tamén o levaba por diante.

Polo visto, o Opel Astra partiu en dous a embarcación e o condutor, de 25 anos, está hospitalizado en estado grave. Esperemos que ao final non sexa nada. Atopei este vídeo que debeu ser gravado cun móbil no Youtube:

Colgaron outro novo vídeo:

A crise converteuse nun comodín nos últimos meses, a ela botámoslle a culpa de todo o que ocorre. Pero hai quen ten a solución para porlle fin.

O colectivo AVE María, Asociación Viguesa de Estudos dá María, propón legalizar a marihuana, xa que “acabaría co narcotráfico, que move millóns”, segundo recolle o Atlántico Diario. Así o manifestaron onte, Día de San Canuto, os membros desta plataforma en Vigo.

Crise aparte, tivo lugar na praza da Constitución unha festa para protestar contra as multas por fumar cannabis.

Unha xoia de rapaz. Con 18 anos e o permiso recén sacado do trinque, pois non se lle ocorre outra cousa ao bendito que poñerse a 217 por hora.

Aí, aí, que se vexa que hai canteira. Que o Renault Clio Sport tamén poden ir a fume de carozo como o R25 de Fernando Alonso ou o Ferrari de Massa. Total, era unha autovía, sábado pola tarde, que ía pasar? Pois o que pasou é que había un bonito radar na estrada que colleu a este kamikace con rodas.

O rapaz, de Burela, pois aceptou os cargos. Só faltaba! E hoxe saíu en todos os medios nacionais. A ver Briatore o veu pola tele e o ficha. Ui, pero se vai quedar sen carné durante dous anos! Bueno, sempre lle quedará iso de ser copiloto nun rallye.

Iso, claro está, despois de cumprir cos 60 días de traballos en beneficio da comunidade aos que foi condeado, que haberá que sumar aos 1.200 euros de multa. Que conste que me parece pouco. Aínda que o dos dous anos sen carné de seguro que é o que máis lle doe. Duro!!

Moitos din que tanta multa e tanto radar é algo represivo. Pois eu prefiro que este rapaz aprenda a base de que lle doia o bolsillo e non espetado contra un arcén da estrada, que por desgraza é o que lles pasa a moitos mozos galegos. Porque haber hai de todo, pero un rapaz de 18 anos cun coche de 200 cabalos non o vai usar só para ir a 80 por hora pola autoestrada, diso estou seguro.

Os datos do censo municipal de Vigo non se actualizan desde 1996, isto é doce anos. Tempo suficiente para que tiveran lugar importantes modificacións. O dato máis chamativo afecta ao nivel de estudos dos vigueses, como recolle La Voz de Galicia. Segundo o padrón do Concello uns 19.000 cidadáns non teñen estudos, nin sequera a primaria.

A cousa quedaría nunha simple anécdota, senon fose porque este dato afecta á constitución das mesas electorais, nas que non poden participar as persoas que non saiban ler e escribir.

Polo momento, o Concello de Vigo xa tomou cartas no asunto, é precisamente está a comunicar vía carta aos cidadáns afectados que pasen polas dependencias municipais a actualizar os deus datos.

O que fai a televisión. Resulta que agora, cando tes un problema, o que queres é que che veña a televisión. Nin policía nin xuíces nin gaitas.

A caixa esa que temos por todos os recunchos da casa crea adición e, sobre todo, crea pequenos deuses. Que llo digan senón a unha señora de Lugo, que decidiu pechar aos caseiros dentro da casa e non liberalos ata que aparecera Ana Rosa Quintana, ou AR no mundiño da farándula.

Polo visto os caseiros pasaron pola súa casa para arranxar uns problemas cos alugueiro da vivenda, segundo informa Europa Prees e recolle La Región. Total, que a señora dixo que pasaran e, xa dentro, pechou a porta para que non saíran.

A secuestradora negábase a deixalos fóra ao grito de ‘De aquí no sae ninguén ata a chegada de Ana Rosa Quintana’. Que xa sabemos que non ten nada mellor que facer que ir ata Lugo a ver que problemas había por alí. Ao final a Policía persuadiuna e foi detida.

Eu creo que tamén vou secuestrar a miña irmá no seu piso ou a miña cadela e non liberar a ninguén ata que veña Scarlett Johansson. Postos a pedir…