O outro día, falando de Manolo Rivas, que era novo académico da Real Academia Galega, falamos un pouco por riba do presidente desta institución, Xosé Ramón Barreiro Fernández, un ribeirense nacido en 1935, estudoso, culto, bo profesor e mellor amante do galego.

O caso é que hoxe acabo de ler unha entrevista na revista Eco na que di verdade coma puños. Velaquí unha recompilación das mellores frases:

“A defensa do galego vincúlase hoxe á pertenza ao Bloque. Ese é un dos peores males”.

Sobre a xestión económica da RAG: “A miña intención foi sempre que a RAG (…) entrase nos Orzamentos da Xunta e ir a unha cantidade fixa. Iso non o temos hoxe (…). O anterior Gobierno fixo un intento, pensei que serio, para resolver isto definitivamente, pero un conselleiro de Facenda, un tal Fernández, a última hora non aceptou esta solución”.

“Un dos grandes erros é pensar que o galego só se tramita a través do ensino. A lingua está en todo”.

“O plan de normalización lingüística está aí, morto. Foi aprobado alegremente por todos, pero non foi cumprido nin un só día”.

“É unha maldade dicir que o castelán está en perigo en Galicia, porque o seu dominio é total e absoluto”.

“Hai moitos inimigos do galego, pero os peores son os que desprezan o galego, é dicir, aqueles que din que con este idioma ao pasar Padornelo non tes nada que facer”.

Tags: entrevista, RAG, Real Academia Galega, Xosé Ramón Barreiro Fernández

Esta Entrada foi engadida no 17 Diciembre 2009 at 22:30 e pertence a Morra o conto. Pode seguir as respostas a través do seguinte feed RSS 2.0. Respostas están pechadas, pero pode trackback do teu sito Web.