Velaquí vos deixo unha estraña e psicodélica canción sobre Feijoo escrita (supoño) e interpratada por Emilio José. Un artista deses que se poden definir como conceptuais. A min, dende logo, non me deixou indiferente. Xa digo que vos preparedes para esta cousa, por así chamala:

Debe ser ben certo iso de que hoxe a radio non é coma antes. Hai que buscar novas formas de promoción dos discos para que a música dun soe e chegue á xente.

Así que pensando nisto, os de Berrogüetto decidiron ofrecer o seu novo single, “Danza de Meirol“, de balde a través da rede.

Pero non o fixeron en calquera lado, senón a través do operador galego R. Vamos, que xa postos a distribuír unha canción pola rede galega, quen mellor que o provedor de internet da comunidade.

Se entramos na súa web podemos escoitar os 30 primeiros segundos da canción, descagar os 4 minutos e pico do tema en versión de calidade ou mesmo nunha non tan pesado, para poñer no móbil ou no MP3.

E o mellor de todo é que nos animan a que compartamos a ligazón con todos os coñecidos para que máis xente descarga a canción do que será o novo disco de Berrogüetto, Kosmogonías, que sairá no 2010.

Quería agradecerlle a José Manuel que no taboleiro do facebook de Galicia Profunda nos deixara este vídeo do documental “El Camino de las Estrellas”. A canción, de Gustavo Almedia está bastante ben:

En Youtube tamén se pode ver a primeira parte do documental:

Vieiros, en colaboración coa CRTVG, ven de celebrar unha nova edición do concurso A apolo ghit, que busca a canción galega do verán. As deliberacións xa chegaron é o gañador resultou ser o tema “O Fillo do Mar” de A Banda Balbina.

Podes escoitar o tema na páxina de A polo ghit 2009.

A través de La Voz entérome de que o grupo Xtraperlo, formado por dous rapaces de Moaña ten un tema titulado “O metal” que se está facendo famoso co conflito que hai estes días entre os traballadores e o sector do metal en Vigo.

Acabo de quedar parbo con este vídeo que vin no blog de Marcus, no que dende un faladoiro de Correo TV se lle canta unha canción a Feijóo. Os autores desta interpretación (chamémola así), son Miguel Cancio (profesor de Socioloxía da USC), José Luis Marí Solera (profesor de Xerontoloxía da USC) e Luís Rial (xornalista radiofónico).

De pedra acabo de quedar ao enterarme de que Anxo Quintana ten un reggaeton. Si mamasita! E que gran letra: “Como lle din? Quin. Como se chama? Quintana”. E se os escoitas quédache o ritmiño no corpo