Debe ser ben certo iso de que hoxe a radio non é coma antes. Hai que buscar novas formas de promoción dos discos para que a música dun soe e chegue á xente.

Así que pensando nisto, os de Berrogüetto decidiron ofrecer o seu novo single, “Danza de Meirol“, de balde a través da rede.

Pero non o fixeron en calquera lado, senón a través do operador galego R. Vamos, que xa postos a distribuír unha canción pola rede galega, quen mellor que o provedor de internet da comunidade.

Se entramos na súa web podemos escoitar os 30 primeiros segundos da canción, descagar os 4 minutos e pico do tema en versión de calidade ou mesmo nunha non tan pesado, para poñer no móbil ou no MP3.

E o mellor de todo é que nos animan a que compartamos a ligazón con todos os coñecidos para que máis xente descarga a canción do que será o novo disco de Berrogüetto, Kosmogonías, que sairá no 2010.

Polo que vexo no seu blog corporativo, quecheparece.com, R acaba de sacar hoxe mesmo unha nova campaña de televisión. Había catro anos dende a última e, desta volta, quixeron xogar coa letra que dá nome á empresa, que conta mesmo cunha tipografía especial, a R Gerstner. O caso é que desa tipografía saíron os personaxes que dan vida aos spots publiciatarios. É o caso do lobo:

De Carapuchiña Vermella:

Ou dos porquiños:

E este foi o resultado:

Incrible, pero certo. Alomenos segundo os datos do Anuario Económico do 2008 de la Caixa. Polo visto, en Galicia había o ano pasado 34 concellos sen unha soa liña de banda ancha. Non é de estrañar despois que saian noticias na prensa sinalando que Galicia está á cola de España en canto a penetración de banda ancha.

Aínda que o que dá vergoña allea é ver declaracións como a de Francisco Ros, secretario de Estado das Telecomunicacións, que non ten rubor ningún á hora de dicir que España é o país con maior cobertura de acceso a Internet do mundo. Segundo el, o Plan de Extensión de Banda Ancha (PEBA) chega neste momento ao 98% da poboación e para final de ano está previsto que chegue al 99%.

Pois unha de tres: ou nesas localidades a ninguén lle interesa internet de banda ancha (debe ser mellor ter a conexión telefónica de 56 kbps), ou minte o informe de la Caixa ou o señor Ros, e realmente iso do 99% será en Madrid, porque en Galicia está visto que non.

O que sorprende é que moitas destas localidades sen unha soa liña de banda ancha teñen máis de 3.000 habitantes, polo que demanda de seguro que no falta. O que de seguro non hai son infraestruturas.

Doutra banda, hai outras cinco localidades cunha soa conexión de banda ancha (O Bolo, Calvos de Randín, Lobeira, Sobrado, As Somozas e Taboadela) e outras catro con só dúas liñas (Monfero, Mazaricos, San Amaro).

Localidades galegas que non contaban con ningunha liña de banda ancha:

• Na Coruña: Frades, Mesía, Santiso, Toques.
• En Ourense: Os Blancos, Castrelo do Val, Entrimo, O Irixo, Laza, Manzaneda, A Mezquita, Muíños, As Nogais, Porqueira, Rairiz de Veiga, Ramirás, Toén, A Veiga, Vilardevós, Xunqueira de Espadanedo.
• En Lugo: Baleira, Cervantes, Folgoso do Courel, Friol, Guntín, O Incio, Navia de Suarna, Pedrafita do Cebreiro, Samos, Trabada.
• En Pontevedra: Agolada, Dozón, Pazos de Borbén, Rodeiro.

Vistos todos estes concellos, que teñen de semellante? Pois curiosamente que teñen pouca poboación, que son do rural e sobre todo que están concentrados na provincia de Ourense e de Lugo. Pois espero que Francisco Ros tome boa nota destes nomes e poida “presumir” pero con razón.

Estamos á cola de España en conexións de banda ancha. Para variar xunto con Estremadura. De todos os xeitos, as cousas parece que pouco a pouco van cambiando. Sobre todo grazas a iniciativas como a do operador galego R, que ademais de estar investindo no país e de falar na nosa lingua, pois agora nos conta que xa está probando os 100 megas para ofrecelos en breve.

Segundo comentan os de R no blog quecheparece.com, non só van ofrecer 100 megas, senón outras como 20 ou 30 megas para os usuarios galegos. Lástima que tampouco R chegue a todos lados, pero bueno, haberá que agardar no caso dalgúns, mentres que os máis afortunados poderán presumir realmente de banda ancha, ancha. Ademais, polo que estiven lendo por aí, R ponse á cabeza de España xunto con ONO á hora de ofrecer estas conexións de banda ancha e mesmo supera a outros operadores como Euskaltel, que están a traballar nos 70 megas.

A ver se isto serve para que Telefónica se poña as pilas e renove dunha vez o ADSL rural que tanto tortura á xentiña do país. Porque ademais de lento é caro.

“Cando as aldeas teñan youtube, na cidade verán vídeo en tempo real”. Aínda que a estas alturas xa non sorprende, o certo é que as declaracións de Iago Soto, socio fundador de Quobis Networks, en El Progreso non poden deixar a ninguén indiferente.

A ninguén se lle escapa que as diferenzas entre o mundo rural e as cidades en Galicia son enormes. Pero cando estas reflexións veñen dunha voz tan autorizada como a de Iago Souto, merece a pena dedicarlle algún tempo de reflexión.

De tódolos xeitos, gracias a iniciativas como a de Quobis Networks, hai unha pequena luz de esperanza. Sinalan que a tecnoloxía WiMAX podería achegar a banda ancha ao mundo rural galego.

Máis vale que ninguén se faga ilusións. Quedámonos coas súas palabras: “Agora a xente do rural está 4 ou 8 veces por debaixo do que poden ter no entorno urbano, pero en 5 ou 8 anos, a xente das cidades terá servizos de 100Mb, ou incluso 1Gb. Isto xa é unha realidade en sitios como Singapur ou Tokio. Seguiremos mantendo a fenda dixital, e será máis difícil de superar ca esta. Cando cheguen ao rural os vídeos de Youtube, na cidade xa se verá vídeo en tempo real de alta definición”.

Quen dixo que en Galicia levamos retraso tecnolóxico?? Pero se ata temos un buscador propio!! E, ademais, con sinais de identidade. Chámase jujel e vai camiño de converterse en toda unha referencia para os internautas autóctonos.

Se aínda non te enteraches do invento, a páxina de jujel explícache de que vai o conto. Só tes que facer click en PERO QUË DEMO É ISTO? Para que jujel che explique que se trata dun ‘servizo público, un experimento en cooperación con Google Inc. para limitar as búsquedas á referencias galegas’. (more…)